Nemendur í 6. bekk eru að læra um lífið í fersku vatni. Í tengslum við námsefnið fórum við niður að Ástjörn og skoðuðum lífríkið og söfnuðum sýnum. Krakkarnir veiddu brunnklukkur, snigla, hornsíli, iglur (blóðsugur) og aðrar lífverur úr vatninu en náðu einnig í ýmis blóm og annan gróður. Við vorum dágóðan tíma við Ástjörn og héldum síðan aftur upp í skóla til að skoða sýnin okkar í víðsjám og með stækkunarglerjum. Krakkarnir skemmtu sér vel og voru mjög áhugasamir. Flestir orðnir blautir í lappirnar og sáttir við að fá að sulla. Sumir gáfu dýrunum nöfn og voru farin að mynda tengsl við dýrin. Planið er svo að vinna með sýnin og vinna verkefni út frá þeim.