Hefð hefur verið fyrir því í Öldutúnsskóla að halda dag stærðfræðinnar hátíðlegan.  Í gegnum árin hafa stærðfræðistöðvar verið settar upp  víðsvegar um skólann og nemendur fengið að spreyta sig við lausnir.  Að þessu sinni var gerð breyting og fengu nemendur 10.bekkja það verkefni í stærðfræði að búa til þrautir/leiki  fyrir daginn  í samráði við stærðfræðikennara.  Á  sjálfum degi stærðfræðinnar settu svo nemendurnir upp stærðfræðistöðvarnar og fengu yngri nemendur skólans að leika sér og spreyta sig í hinum ýmsu stærðfræðiverkefnum.  Þarna voru stöðvar með búðarleik, flokkun rúmfræðiforma, mælingum, stærðfræðipúsli og fleiru.  Mikil leikgleði ríkti í skólanum og elstu nemendurnir hjálplegir þeim yngri.