Hlutverk bekkjarfulltrúa er að stuðla að auknu samstarfi foreldra, kennara og nemenda innan hvers bekkjar, meðal annars með því að halda viðburði fyrir bekkinn utan skólatíma. Bekkjarfulltrúar Bekkjarfulltrúar eru kosnir af foreldrum í hverjum bekk eða tilnefndir í samráði við fyrri bekkjarfulltrúa. Æskilegt er að bekkjarfulltrúar séu minnst tveir fyrir hvern bekk og að einungis sé skipt um annan bekkjarfulltrúann á hverju ári, þannig að allavega annar sitji 2 ár í senn. Í byrjun september skal liggja ljóst fyrir hver verður bekkjarfulltrúi fyrir skólaárið. Gott er að nýta námsefniskynningar til að ganga frá vali. Lykla af skólanum vegna bekkjarviðburða er hægt að nálgast hjá formanni foreldrafélagsins, Svövu Björnsdóttur. Hægt er að hafa samband við Svövu með tölvupósti á [email protected] eða í síma 698 8329. Árgangafulltrúi Árgangafulltrúi í stjórn foreldrafélagsins er tengiliður milli stjórnar og bekkjarfulltrúa. Hann er ábyrgur fyrir að koma starfi bekkjarfulltrúa af stað að hausti og á að funda með þeim að minnsta kosti tvisvar á vetri.
