Skólabókasafnið er lifandi fræðslu-, upplýsinga- og menningarmiðstöð skólans. Þar er fjölbreytt úrval af bókum til yndislestrar auk náms- og kennslugagna. Útlán á bókum Allir nemendur geta fengið lánaðar bækur á safninu. Útlánstími er 2 vikur og hægt að endurnýja útlán ef þörf er á. Fastir útlánstímar eru alla virka daga frá 8:10 til 9:30, annars eftir samkomulagi. Fjölbreyttir safnkostir Á bókasafninu eru tímarit, myndefni og spil fyrir nemendur til að njóta. Einnig eru tölvur sem nemendur hafa aðgang að fyrir verkefnavinnu. Á bókasafninu er ýmis starfsemi, til dæmis koma nemendur í 1. og 2. bekk einu sinni í viku í sögustund.
