Hafnarfjarðarbær fékk hana Önnu Laufeyju Stefánsdóttur, tölvunarfræðing og sérfræðing í þróun snjallforrita, til að innleiða verkefnið Stafræn velferð í skólasamfélagi. Hún heldur úti heimasíðunni stafraenvelferd.is.

Í september hitti hún alla nemendur í Öldutúnsskóla, frá 1. upp í 10. bekk og var með fræðslu sem var sniðin að aldri nemenda.

Til að tengja saman heimili og skóla þá var í boði vinnustofa fyrir foreldra og nemendur í 7., 8., og 9. bekk en þar var lögð áhersla er á opið samtal, samvinnu og mótun raunhæfra viðmiða sem henta daglegu lífi.

Í lok vinnustofunnar fengu fjölskyldur með sér ,,Heimilisreglur“ vinnublað sem á að styðja við áframhaldandi samtal innan heimilisins og hjálpa fjölskyldum að móta eigin viðmið um skjánotkun.